Watsons Oh Watsons!

Assalamualaikum...

 

Nok bbobey kot Klate eh skali. Biarnyo ngango sapo hok bukok baco blog aku nih. Buke nok wat nayo ko otok oghe hok jung baco, cumo nok memartabatkan bahaso negeri ambo skali skalo.duo kali duo kalo.. Kalu sero tok pehe tahap mutar itik tuh mitok maah banyok lah. Panda-panda la pok-pok demo cari kamus bahaso Klate nyoh. Tok cekak eh ambo nok ‘translate’ sbutir-sbutir. Nok naip entry ni pun tok tau nok bbobey pasal gapo. Glenya nok ‘blogging’ sangat pahtu selok sore duk peroh otok.

Depe mato ni napok bare-bare Watsons. Agok-agok kalu bbobey pasal Watsons ni Watsons nok wi bare free ko dop eh? Klik pah klik pah banyok jugok doh la hok aku melabur kat Watsons tu. Walaupun buke jenamo ‘Watsons’ tapi bare-bare dari Watsons jugok la. Tamboh2 dea ado ‘member card’ Watsons loni. Koho acap masuk Watsons. Kade-kade beli coklat pun kat Watsons. Illir kea tuh beli coklat hok buleh beli kat keda depe umoh ni kat Watsons. Nok oyak nyo aku ni kalu gi ‘shopping mall’ gak, mesti keno singgoh kat Watsons. Gi Mydin Mall pun dea lagi singgoh Watsons luar tu. Biar masuk jeling bare-bare dale tu jah pun. Tapi tok nati ko jeling jah. Saim aku Mida kalu lalu kat kawase make-up tu gak buleh sekali lesek dulu. Tapi aku tok berani la nok lesek-lesek kokse tester make-up kat muko nih. Takut jakit. Pade lesek kat tange jah.

 

Antaro bare-bare hok aku punggoh kt Watsons skalo. Bare hok muroh-muroh jah.. Bedok 'Johnson's Baby' rego duo ya pun beli situ jugok.

Skalo gak bare-bare hok aku punggoh(beli) kat Watsons nyo bare-bare ‘make-up’ nga ‘skin care’ lah. Mugo spesis farmasi tu gak. Tok kea nok beli ike pulok. Loni kalu nok beli gapo-gapo(make-up nga skin care) gak mesti kat Watsons sebab nok guno ‘member card’ dio. Dulu pun beli kat Watsons jugok tapi tok segilo loni la..Walaupun ‘member card’ Watsons tok wi diskaun tapi ‘point’ hok kito kumpul dale tu lamo-lamo buleh kito ‘redeem’ nga bare hok kito nok bersesuaie nga ‘point’ hok kito ado. Tok soh nok mitok diskaun sangat la mugo Watsons meme buat promotion sokmo. Beli bare promotion hok muroh pah guno ‘member card’ kumpul ‘point’ pulok. Huk aloh laa..free2 jah utong situ. Kad ahli tu pun 12 ya jah kalu tok silap. Tok ingat lah mano mugo lamo dh tu gak.

 

Kalu sero nok bare free guno la kad ahli Watsons ni acap kali deh.

 

Ho tu jah nok bbobey nyo. Kea bbobey banyok-banyok kea jadi mugo lain pulok. Puah ati jugok buleh ‘blogging’ kot Klate. Ado maso ambo mari singgoh bbobey lagi. Wasalam.

 
 

p/s: ambo pengunjung tetap Watsons